当A股开始有“救世主”~~

呢排A股日日上热搜~今日一开盘，又4200只集体上涨了~~睇下朋友圈，股吧，个个都话，2026A股救世主来了~~我就觉得你而家呢种心情，同去拜神唔见鸡无咩区别~~而且呢种成日想等个“救世主”来帮你赚钱嘅心态，可能先系你钱包缩水嘅最大原因。

前日科普了一个社会学概念名词：“淫秽性团结”当A股开始讲“荤段子”~，今日呢个股民情绪情况，我又谂起另外一个社会学名字词：“弥赛亚情结”，你地班股民，唔多唔少都有呢种现象出现~~

所谓“弥赛亚情结”，即系自己唔想动脑，成日幻想有个全能嘅“神板块”或者“神政策”出现，一下子帮你荷包解决全部问题。用最近市场做例子，一有“国家大基金”嘅风吹草动，或者“低空经济”呢类新词一出，资金就一窝蜂冲过去，好似“行得磨，无鼻歌”咁。呢个时候有无谂翻起，D老人家成日讲果句，“边有咁大只蛤乸随街跳？”

其实系某字母股，实话实说：边度越热闹，边度就越容易踩屎。你当系宝冲过去嘅地方，好可能系人哋精心布置好，等你入去接盘嘅地方。盘点一下最近网络最热2026年两大热门赛道，数据真实反应嘅同你听到嘅，可能完全两回事。

热门一“科技成神”：讲到人工智能、量子计算呢啲，个个都话会改变世界，股价飞上天。但系你知唔知，计算机板块个市盈率已经去到历史超高水平，简单讲，就系价格太贵了，透支咗未来好多年嘅“梦想”。

热门二“咸鱼翻生”：呢个故事主角系房地产，网上大部分提出的理据：政策放松，行业就要反转。我就多手去睇咗呢个主角头前段时间嘅销售数据，百强房企卖楼嘅金额同比仲系跌咗两成，个底都未企稳，甚至，可能无底？？

可能你会讲：觉得“呢次真系唔同”，我只想问，系咪唔记得咗咩野叫做危险？开开心心入场，跟住回调20%，我就唔信你地无经历过。。。。所以，2026年想唔继续做韭菜，第一件事就系：要信自己同信数据，要落手落脚去睇报表、对数字。（呢句话讲到口水都干。。。）

如果你硬系想跟下风，想有D谈资，可以“带住脑”去睇下呢几个方向。我再讲一次，佢哋唔系救命稻草，只系你自己做功课嘅一份参考材料：

如果想落场实操，建议留意呢类，最近数据显示，相对稳阵：

AI芯片静鸡鸡去睇下，为AI公司提供服务器机房“散热”同“供电”解决方案嘅公司；佢哋嘅生意，订单增长可能每年稳稳当当有百分之二三十，呢的先叫实在。

放弃“飞行汽车”个天，睇地下嗰啲造特种材料、造精密零件嘅“扫地僧”公司，利润率高且稳定。

2026年，你账户唯一可靠嘅“神”，就系嗰个愿意花时间研究、懂得睇数据、并敢喺人人疯狂时刹一刹掣嘅你自己。你自已个脑，先系最好嘅导航~~

数据来源：中国证券投资基金业协会年度报告、中国证监会等监管机构于2023-2025年间发布的公开政策文件、2024-2025年中国液冷数据中心市场分析报告、经济日报、西安晚报、Precedence Research发布的行业研究报告。。。。